കൊച്ചി: മികച്ച രീതിയില് കഥ പറയാനും നിര്മാണം പൂര്ത്തിയാക്കാനും സാധിക്കുന്ന ദൃശ്യങ്ങള് ഭാഷ പരിഗണിക്കാതെ കാഴ്ചക്കാര് സ്വീകരിക്കുമെന്നതിന് നിരവധി തെളിവുകളുണ്ടെന്ന് സീ5 ഗ്ലോബല് മുന് ചീഫ് ബിസിനസ് ഓഫീസര് അര്ച്ചന ആനന്ദ് പറഞ്ഞു.
കേരള മാനേജ്മെന്റ് അസോസിയേഷന് ഇന്സൈറ്റ് എക്സ് സീരിസിന്റെ പത്താം എഡിഷനില് ഇന്ത്യയിലും പുറത്തുമുള്ള പ്രേക്ഷകര്ക്ക് ഡിജിറ്റല് വീഡിയോ പ്ലാറ്റ്ഫോം സൃഷ്ടി എന്ന വിഷയത്തില് സംസാരിക്കുകയായിരുന്നു അവര്.
ഇന്റര്നെറ്റ് ഡാറ്റ ചെലവു കുറഞ്ഞ് ലഭ്യമായതോടെയാണ് ഒടിടി പ്ലാറ്റ്ഫോമുകളുടെ കുതിച്ചു ചാട്ടമുണ്ടായത്. അതോടൊപ്പം വൈ ഫൈയുടെ വരവും ഈ മേഖലയെ സമ്പുഷ്ടമാക്കി.
ലോകത്തില് ഏറ്റവും ചുരുങ്ങിയ ചെലവില് ഡാറ്റ ലഭിച്ചതോടെ മൊബൈല് ഉപയോഗം വര്ധിക്കുകയും കമ്പോളം വിശാലമാവുകയും ചെയ്തു. ഒറ്റ രാത്രി വെളുക്കുന്നതിന് മുമ്പ് നോട്ട് നിരോധനം നടപ്പാക്കിയതോടെ ഡിജിറ്റല് ലോകത്താണ് വളര്ച്ചയുണ്ടായതെന്നും അര്ച്ചന ആനന്ദ് പറഞ്ഞു.
കേരള മാനേജ്മെന്റ് അസോസിയേഷന് പ്രസിഡന്റ് കെ. ഹരികുമാര് അധ്യക്ഷത വഹിച്ചു.
Deepika
E-paper LOGIN
LOGIN
